by: adminPosted on:

Қасиетті Қадір түні

Қамшының сабындай қысқа ғұмырын құлшылықпен өткізіп, Алла тағаланың разылығын табуды қалаған құлдар үшін ең қасиетті түн – Қадір түні. Оның қасиеттілігі сол бұл түнде жасалған құлшылықты Жаратушы Иеміз мың айда жасалған ғибадаттан артық деп қабылдайды. Мың ай қарапайым арифметикалық жолмен есептегеннің өзінде сексен үш жылдық мерзімді қамтиды. Ал кейбір ғалымдар мың деген санды араб халқы негізінен «өте көп» деген мағынада қолданады. Сондықтан Құранның: «Қадір түні мың айдан қайырлы» деген аятындағы «мың» сөзі де «өте көп» деген мағынаны береді деп есептейді. Бұл жағдайда ол сан одан да өсуі мүмкін.

Түннің «Қадір түні» деп аталуын ғалымдар бұл түнде Алла тағала адамдардың келесі жылғы тағдырын, яғни өмірі мен өлімін, рызық-несібесін, бақытты немесе бақытсыз болуын т.б. жазатындығымен байланыстырады. «Қадір» және «тағдыр» сөздерінің түбірлестігінен де осыны аңғаруға болады.

Бізден бұрынғы үмметтердің бізге қарағанда әлдеқайда көбірек өмір сүргендігі анық. Мәселен, Зұл-Қарнайн патшаның дәуірінде адамдар бес жүз жыл шамасында өмір сүрген. Сол дәуірлердегі адамдардың арасында мың айды ғибадатпен өткізбесе, өзін құлшылық етуші деп санамайтын кісілер болған. Олар осы мақсатқа жету үшін уақыттарын барынша ғибадат жасаумен өткізген. Ал енді жүз жыл шамасында ғана өмірі бар біздің үммет үшін мынадай мың жылға татырлық түннің нәсіп етілуі Алла тағаланың мұсылман үмметіне берген үлкен нығметі.

Түннің «Қадір» деп аталуының өзінде терең мән бар. Бұл түнде қадірлі үмметке қадірлі Кітабымыз түскен. Үмметтің қадірлі болатындығы Пайғамбарымыз (с.а.с.) мәңгі сапарға аттанарда, Жәбірейіл періштеден өз үмметі туралы сұрағанда, ол Алла елшісін (с.а.с) екі нәрсемен сүйіншілеген болатын. Жәбірейіл періште: «Алла Тағаланың жәннатына Сен кірмейінше ешбір пайғамбар кірмейді және сенің үмметің кірмейінше ешбір үммет жұмаққа кірмейді» деп сүйіншілеген еді. Олай болса, бұл түнде қадірлі үмметтің қадірлі пайғамбарына қасиетті Құран түсті.

Құран Кәрім – мұсылмандар өміріне басшылық ететін, пайда мен зиянның, жақсы мен жаманның, тура жол мен адасудың ара жігін ажыратып беретін баға жетпес құнды кітап. Олай болса, мүминдер үшін бұл кітап түскен түннің қадірі аса жоғары екендігі сөзсіз. Әрине, ғалымдар арасында Құранның түскендігі анық, алайда оның жер бетіне немесе көктің соңғы қабатына түскендігі туралы әркелкі пікірлер бар. Бір топ ғалымдар: «Құран Қадір түнінде аспанның соңғы қабатына бүтіндей түскен, содан соң жиырма үш жыл бойында Пайғамбарымызға (с.а.с) жеке-жеке аят, сүре қалпында түсіп отырған» деген пікірді ұстанады. Бұл топ ғалымдардың арасын да Ибн Аббас, Саид ибн Жәбир т.б. ғалымдар бар. Ал екінші топ ғалымдар «бұл түнде Пайғамбарымызға (с.а.с.) Құран Кәрімнің «Алақ» сүресі түсе бастаған» деген тұжырымды дұрыс деп санайды.

Қадір түнінде Жәбрейіл мен бүкіл періштелер жер бетіне түседі. Бұл туралы Құран Кәрімде: «Періштелер мен Рух түсіріледі» деген аят келтірілген. Мұндағы «Рух» сөзіне байланысты ғалымдар арасында Жәбірейіл періште ме, әлде ол арқылы түскен Алланың мейірімі ме, немесе одан басқа бір періште ме деген әр қилы тұжырымдар жасаған. Бірақ көп ғалымдар оны Жәбірейіл періште екендігіне тоқтаған.

Қадір түнінің нақты уақыты анық белгілі емес. Бірақ Пайғамбарымыздың (с.а.с.) хадис шәріптері Қадір түні Рамазан айының соңғы он күнінің бірі екендігіне әсіресе, тақ түндерін іздеу керектігін нұсқайды. Ғалымдардың көзқарастары бойынша, бұл түн Рамазан айының тақ түндерінің біріне, әсіресе, 27-ші түніне сәйкес келеді. (Қараңыз: Бұхари, Қадір, 3; Мүслим, Сиям, 216)

Бұл түннің шығу тарихы жөнінде мынадай мәлімет бар: Пайғамбарымыз (с.а.с.) Алла тағалаға: «Уа, Раббым, менің үмметімнің өмірлері қысқа, амалдары аз» – деп дұға еткен. Сонда Алла тағала Пайғамбарымызға Қадір түнін сыйлады және былай деді: «Қадір түні саған және сенің үмметіңе мың айдан артық» (Сафуату тәфасир, ІІІ т., 1525 бет).

Қадір түніне қатысты мынадай бірнеше маңызды деректер айтылып жүр:

1- Құран Кәрім толық күйінде «Ләухул Махфуздан» дүние көгіне, Бәйтул Иззәтқа Қадір түні түскен. Бұл – адамзат үшін өте маңызды оқиға.

2- Бұл түнгі ғибадат – құлшылық мың айда жасалған құлшылықтан артық.

3- Алла тағала адамдардың тағдырындағы келесі жылы болатын жазмыштарды періштелеріне бұйырады.

Абдуллах ибни Аббас (р.а.) және Имам Әбул-Хаттаб әл-Басридің айтуынша, бұл түні келесі жылға дейін болатын әр түрлі маңызды оқиғалар туралы Алла тағаланың тағдыры періштелеріне аян болады.»

4- Имам Сәһл ибн Абдуллах: «Алла тағала бұл түні мүмін құлдарына рахымын төгіп, кешірім сыйлайды,» – дейді.

5- Бұл түні Рух (Жәбірейіл періште) пен көптеген періштелер жер бетіне түседі. Имам Хамд ибн Ахмад: «Бұл түні жер бетіне түскен періштелердің көптігі сонша – жер беті періштелерге сыймай кетеді» деп көрсеткен.

Қадір түнін қалай өткізген жөн?

Алла тағала адам баласын тек қана Өзіне құлшылық етсін деп жаратқаны хақ. Сондықтан мұсылмандар күнделікті өмірлерін құлшылықпен өткізуге тырысады. Олай болса, мың түннен қайырлы бұл түнде түрлі құлшылықтар жасап, нәпіл және қаза намаздарын оқып, Құран оқып, тәубе етіп, кешірім тілеп, өзіміз және басқалар үшін дұға жасауға болады. Алла елшісі (с.а.с.): «Кімде-кім Қадір түнін артықшылығына сеніп, Алла тағаладан сауап күтіп, құлшылықпен өткізсе, оның өткен күнәлары кешіріледі» (Бұхари, Қадір, 1);
Айша анамыз Пайғамбарымыздан (с.а.с.): «Уа, Алланың елшісі, Қадір түнінде қандай дұға жасайын» деп сұрағанда, Расулуллаһ (с.а.с.): «Алаһуммә иннәкә афуун, түхиббүл афуа, фағфу анни (Алла Тағалам, Сен кешірімдісің, кешіруді жақсы көресің, менің күнәларымды кешіре гөр!)» деп дұға етуге кеңес берді.
Сондай-ақ бұл түнді рухани дүниемізді байытатын діни кітаптар оқып, діни сауаттылығымызды арттыруға бағытталатын бейнефильмдер мен бағдарламаларды көрумен өткізуге де болады.
Қадір түнін өткізуде түні бойы дастархан жайып қою шарт емес.
Түннің барлығын ғибадатпен өткізе алмайтын кісілер, тым болмаса, түннің бір бөлігін құлшылықпен, ізгі амалдармен өткізуіне болады.
Алла тағала бұл түнде жасалған бүкіл құлшылықтарды қабыл етсін. Әмин.

А.Ноғаев
ҚМДБ уағыз-насихат бөлімінің қызметкері
http://www.muftyat.kz

Сурет imonedesign есімді flickr қолданушысының мұрағатынан алынды

58 thoughts on “Қасиетті Қадір түні”

  3. Қадір түні мубарак болсын. Кешірініз койылган сурағыма. кулшылык дегенмез не?

  6. Кадыр туниндеги тилеген тилектериниз кабыл болсын!Аллахтын суйген кулы болыныздар!

  7. Жамағат,қасиетті Қадір түні мүбарак болсын! Тілектерің қабыл,еліміз аман болсын!

  8. Сәлеметсіздер ме? менің сіздерге кояр сұрағым: Мен оразаны өмірімде бірінші рет ұстап тұрмын. Егер ауыз бекітер уақытына немесе 1 не 2 минутқа кешігіп немесе 1 сағат не 1:30 мин кешігіп қалсам ары қарай тамақтанып ауыз бекітсем және ары қарай жалғастыра берсем оразам қабыл болама әлде оразам бұзылған болып саналама?

  9. Сәлеметсіздерме? мен сіздерден сұрайын дегенім: оразаның алғашқы күндерін басқа кесте бойынша ұстап қойыппын.енді менің оразам бұзылдыма?

  10. салеметсиздер ме..меним сиздерге сурагым..мен ерте 1 сагат бурын ауыз бектип койдым..оразам кабыл болама..жане 2 ши сурагым..сол уакытк карсы тазаланып алып бирак ауыз бектитип дугамды окмин жане артынан сумен бекиткеним дурыс па..оразам кабыл болама?

  11. Салеметсиздерме? ораза айының басында 7 кун соңында 7 кун ұстауға болама?

  12. Мусылман бауырлар устаган оразаларин мубарак болсын ен бастиси журектертерине иман ,бастарына бак берсын!!

  13. Салеметсиз бе!Жоқ болмайды, оразаны Рамазан айының толық оразасын ұстау керек.

  14. Саламатсыздарма. Оразаларыңыз қабыл болғай…. Барлығыңызға

  15. Ассаламагалейкум барша мұсылман қауым!Оразаларыныз қабыл болсын!ҚАСИЕТТІ Рамазан айы жәнд Қасиетті Қадір түні мүбарақ болсын!Алла тағалам қадір түнін де тілеген тілектерінді,жасаған құлшылықтарынды қабыл еткей!Алла тағаламыз істеген күнәларімізді кешіріп,тілегімізді қабыл еткей,жаман адамдарды,жаксы адамға айналдырып,тура жолға жетелегей!Алла барын ұмытпайық!Бізді өмирге акелген бізге өмір бергенде,рухани күш берген де Алла екенін ұмытпайық!Барша мұсылман кауым Қасиетті Қадір түні мұбарак болсын.Еліміз тыныш,жұртымыз аман,үйімізде құт-береке ,тыныштык болг@й ИнШАЛлах!АМИН АЛла тiЛЕКТЕРIмiзДI КАбыл еткей.!!!!

  16. қасиетті *қадір түні* баршаңыздың тілектеріңіз қабыл болсын!!! Әмин!

  17. Сәлеметсиздерме мұсылман қауым! Қасиеттi Қадiр түнiнде тiлеген тiлектерiнiз ҚАБЫЛ БОЛҒАЙ! Денсаулықтарыңыз мықты болсын, осындай бейбiт заманда өмiр сүре берiңiздер. Елiмiз аман, жұртымыз тыныш, аспанымыз ашық, көгiмiзде көк туымыз желбiрей берсiн! Иманды болайық ағайын.

  19. Уа қадірлі мұсылман халқы!Бүгінгі қадір түні бәрімізге нұр жаудырсын!ИншаАллах! Бұл қасиетті түн періштелердің құлағына шалынсын!

  20. Assalamuagaleikum again baurlar!!! Kasietti kadir tuni mubarak bolsin!!! Inshallah! bugingi etken dugalariniz kabil bolgai!!! Juldiz
    en bastisi niet !!! inshallah sizdinde ustagan orazaniz kabil bolgai!!!

  21. Ассаламугалейум мусулман кауым! Кадiр тунi мубарак болсын !!!

  24. Алла разы болсын!!! Инша Аллах ниеттериниз орындалсын,Касиетти Рамазан айынын ”Кадир тунин” кутушилерге ниеттери Кабыл болсын,Аллах тагаланын суйикти кулы болу насип етсин . Амин…

  28. Салеметсиздерме касиетти кадыр тун кабыл болсын тилеген тилектериниз кабыл болсан агайындар

  29. «Садақа еш уақытта байлықты азайтпайды, өзгелерді кешірушіге Аллаһ даңықтан басқа еш нәрсе қоспайды және Аллаһ үшін бой ұсынып (кішірейгенді), Ұлы Аллаһ Тағала әлбетте жоғарылатады». Муслим.Ораза кабыл болсын! Кадир Туни кут береке алып келсин

  30. Кадыр туни мубарак болсын барша журт тилеген тилектериниз орындалсын сиздердин ниет кылып тилеген тилектериниз орындалгай

  32. Қадыр түні мүбарак болсын! Тілеген тілектерініз! Жасаған құлшылықтарыныз! Қабыл болғай!

  34. Барлык мусылмандарга кадир туни кутты болсын,тилеген тилектерин кабыл болсын. АУМИН!

  35. Сәлеметсиздерме! Қадыр түні мүбарак болсын! Тілеген тілектерініз қабыл болсын! АЛЛАТАҒАЛА Жасаған күнәләріңізді кешіргей!

  36. Біздің әр жылы бір жасқа толып, бір жасқа есейіп қуанғанымыз алдымен АЛЛАНЫҢ, содан соң ата-анамыздың арқасы. Ашық аспанның астында өткізген әр күніміз бақыт әніне толы болсын! Дұшпанымыз еш жоқ болып, достарымыз тым көп болсын! Әлемді тербеткен Анамызды сыйлап, жұмақтың кілтіне жетуге тілектеспін! Арманымыз ешқашан да алдамасын!Аумин.Қадір түніміз қабыл болсын.Оразамыз қабыл болсын.

  38. «Кімде – кім Қадір түні артықшылығына сеніп, Алла Тағаладан сауап күтіп, құлшылқпен өткізсе, оның өткен күнәлары кешіріледі» (Бұхари, Қадір,1);
    Сіздерден сұрарым маған ақшалай аздап болсада көмектесулеріңізді сұраймын Алланың нұры жаусын не тілеген тілектеріңіз қабыл болсын Аумин
    kz896012103000001718
    иин780214401831
    садақа беріп, мұқтаждың қажетін қамтамасыз еткен адамға, Аллаһ Тағала ахиреттің азығы боларлық мол сауап сыйлаумен қатар, осы дүниеде де келе жатқан кесірлі пәле-жаладан сақтайды.

  39. Салеметсиздерме, Кадыр туны кабыл болсын! Баршанызга тек Кана жаксылык тилеймин…

  40. Сәлметсіздерме ! Қадір түні сіздерге бақыт береке әкелсін.

    Заманымыз тыныш болсын,тілеген тілектеріңізді АЛЛАТАҒАЛА қабыл етсін. Жасаған күнәләріңізді кешіргей ! АУМИН !

  41. Менің қояр сұрағым бар еді! Қадыр түнінде күн салқын болмайт. Әрі аспанда бұлт болмайт дегені шындықпа?! Бұл сұрақты қойған себебім: мен қазір Сәтбаев қаласындамын күн салқын әрі аспанда шамалы бұлт бар

  42. Менің қояр сұрағым бар еді! Қадыр түнінде күн салқын болмайт. Әрі аспанда бұлт болмайт дегені шындықпа?! Бұл сұрақты қойған себебім: мен қазір Сәтбаев қаласындамын күн салқын әрі аспанда шамалы бұлт бар.

  46. Карыз оразанын ауыз ашу мен ауыз бекиту дугасы сол калпында калама деген сурак койгым кеп жатыр ойткени онда рамазан айында деген соз теркеси бар гой жауап беруинизди отинемин

  48. салеметсизбе жауап тезарак жауап берсениз бугинги касиетти кадыр тунди бир жагдай болып турса кадыр тунди кутуге болама осы мени маза алыптур

  50. Қасиетті Қадір түні мүбәрак болсын! Алла тағалам бұл түнде жасалған бүкіл құлшылықтарды қабыл етсін. Әмин.

Leave a Reply