Ине ектірудің оразаны бұзып-бұзбауына байланысты кейінгі Ханафи ғұламалары арасында екі түрлі үкім бар.
А) Әбу Ханифаның «терең жараға жағылған дәрілік майдың оразаны бұзатындығы» жайлы пікірін негізге алған ғалымдар, ине арқылы тамырмен денеге бір нәрсенің тарайтындығын алға тартып, ораза бұзылады деген. Қоректік жағы дау тудырғанмен, қабылданған ондай заттың денені күшейтетіндігі белгілі.
Ендеше, дәрі мейлі ауызбен ішілсе де, инемен қабылданса да кәффаратты қажет етпейді, бірақ, оразаны бұзады және қазасы өтеледі. Ине ектірген адам не сол күні ораза ұстамауы не инені сәресі мен ауызашар уақыттарына қалдырғаны жөн.
Ә) Ал Әбу Ханифаның шәкірттері Әбу Юсуф пен Мұхаммедтің «терең жараға жағылған дәрілік май оразаны бұзбайды» деген пікірін негізге алған ғалымдар, ине ектірудің оразаны бұзбайтындығын айтқан. 1948 жылы Әл-Әзхар университетінің Фәтуа Комиссиясы ине ектірудің оразаны бұзбайтындығы жөнінде фәтуа берген. Өйткені, бұл емдік тәсілінің ауызға дәрі салып жұтуға ұқсамайтындығы анық. Сондай-ақ, демікпе не тыныс жүйелерінде ақауы барлар да ауызға дәрі шашыратса, ол өкпеден өтіп, асқазанға жетпейтіндіктен оразаны бұзбайтындығы алға тартылған. Кейбір аурулардан қорғану мақсатында ине ектіру де оразаны бұзбайды. Өйткені, бұндай жағдайда денеге қорек алу көзделмейді делінуде. Бірақ, қоректену мақсатында денеге қуат беретін арнайы гемоглобин секілді нәрселерді ине арқылы қабылдау оразаны бұзады.
Жоғарыдағы қай пікірді таңдаса да, ұстанса да негізгі жауапкершілік таңдаушыға тән. Негізі, дініміз сырқаттанған немесе ем қабылдап жүрген кісілердің ораза ұстамауына рұқсат еткен. Сондықтан, емдікке ине қабылдап жүрген адамның жақсы емделіп, болашақта құлшылықтарын үлкен ықыласпен атқаруы мақсатында Рамазан кезінде ораза ұстамағаны жөн. Бүл көзқарас сақтық тұрғысынан да абзал екені сөзсіз. Ендеше бұл – өздері шешетін мәселе.
Ал, ауырса да көпшілікпен бірге ораза ұстап, Рамазан айының қасиетінен құр қалғысы келмеген кісі екінші топтағы фиқһ ғалымдарының пікіріне сүйеніп, ораза кезінде қоректік емес инелерді қабылдай беруіне болады. Бірақ, сәресі уақыты шықпай тұрып немесе ауыз ашардан кейін ине салдыру мүмкін болса, онда күндіз салдырмағаны жөн.
Ислам ғылымхалы кітабынан
Ораза айында ерли зайыптыларга ауыз ашкасын жыныстык катынаста болуга руксат па алде руксат емеспе?
Егерде сариликти ишпей ауыз бекитсек кабыл болады ма?
Кеште байкамай ауызды ертерек 15 минут бурын ашып койдым онда кабыл болады ма?
Құрметті Сандуғаш,
түнгі уақытта, сәресіне дейін рұқсат.
Сәресіне тұра алмай қалсаңыз, оразаңызды жалғастыра бересіз. Қарыз болмайды.
Сәресіне күнде тұрып жүруге тырысыңыз.
Кешке уақыттан қателесіп байқамай ерте ашып қойсаңыз, айттан кейін тағы бір күн ұстайсыз.
Ал егер ұмытып кетіп бірнәрсені жеп, сосын ораза екеніңіз есіңізге түссе оразаңызды жалғастыра бересіз, оразаңыз бұзылмайды.
Ораза кезінде шаш қиюға болады ма?
Алия, әлбетте болады
жауабыңызға рахмет
Ассалаумағалейкум!
Мен бір дәрілер іші жүр едім…. Кұдай каласа Ораза үстайын деген ниетім бар…. Ораза устаган кезде сол дәрілерді жалгастрып ішуге бола ма екен?
Ораза ұстаған қауымң орзаларыңыз қабыл болсын!
Менің мынадай сұрағым бар еді, ауыз берік кезде көздегі линзаға ылғалдандырғыш тамшыларды тамызуға бола ма? мұрынға спрей себу ше? бұл жағдайларда ораза бұзыла ма?
алдын ала рахмет!
ауыз берік кезде көздегі линзаға ылғалдандырғыш тамшыларды тамызуға бола ма екен?
Ораза кезынде моншага тусуге болама
Ораза кезінде моншаға түсуге болады. Тек ауыз бен мұрынға су кіріп кетпеуін қадағалау керек.
Ораза уакытысында жол журуге тура келып калса жолда ораза тутып кете беруге болама
Ораза уакытыснда ауыз ашып бекыткенге дейын система кабылдауга болама